ليه ؟؟؟؟؟؟؟؟؟

ليه الناس اتغيرت اوى كدة .

ليه لما خليت ست عجوز تاخد دورى فى الطابور وانا البنك بقيت فاضية ومش ورايا حاجة ماينفعش اكون عشان هى ست كبيرة ماتقدرش تقف زى .

ليه لما بدخل المترو مابلقيش ناس فى قلوبهم رحمة عشان تقوم لست عجوز او لست شايلة طفل صغير وبيدار وشهم كانهم ماشفوش .

ليه لما نكون ماشين فى طريق والاقى ست شايلة حاجات كتيرة مابنساعدهاش .

ليه لو لاقيت اى اخت مسلمة فيها حاجة وممكن انصحها بنخاف منها لتحرجنى ومتتقبلش النصيحة.

ليه بقى النفاق والغش والكلام المعسول هو اللى بقى ماشى دلوقت عشان تقدر تعيش ةتقلب رزقك زى ما بيقولوا.

ليه الراجل او الشاب بقى يمشى وعنيه على كل واحدة كان مش هيكون ليه اخت او زوجة او بنت يخاف عليهم .

ليه البنات بقت عاملة كدة اللبس والمشى ورا الموضة وبنقول العيب فى الراجل ازاى وهو شايف البنت كدة

ليه لما كنت عيلة صغيرة وكانوا زاميلى بيضربونى كنت بسهم مش ضعف منى لا لمجدر انى مش عايزة اتخانق معاهم لاننا زمايل لدرجة انى كرهت كلمة طيبة لدرجة الهبل .

ليه الطيبة بقيت هبل فى الزمن دا لدرجة انى كرهت اكون طيبة وغيرت نفسى وتعبت اوى عشان مش متعودة .

ليه الواحد اللى بيتكلم باحترام وادب مش بيعرف ياخد حقه فى الزمن دا .

ليه اللى بيزعق ويعلى صوتته بنخاف منه وبنعمله اللى عايزه .

ليه لما اتسئلت ايه المعايير اللى بتمشى عليها لما قلت حرام وحلال استغربوا منى وقالوا ماينفعش فى الزمن دا.

ليه لما رفضت اغشش اللجنة فى الامتحانات اتهمونى انى لسه ماتجرئتش وجبانة وماتعودش .

ليه ان الجراءة فى انى اعمل الغلط مش انى اقاوم شيطان النفس واعمل الصح

ليه بخاف اكلم حد حلو اوى ليقول انى بنافقه او عايزة حاجة منه .

ليه لما بستنى عشان اركب كل طفل فى الباص بتاع المدرسة او انزله وبعدان اركب بيتقال انى باخد فلوس من السواق ماينفعش انى خايفة على الاطفال وعايزة اطمن عليهم .

وليه وليه وليه وليه وليه وليه وليه الف ليه ونفسى اعرف ليه اتغيرنا اوى كدة وبعدنا عن دينا اوى كدة مع انه دينا اسمى دين منذ ان خلق الله الخليقة .

يمكن اكون بلغت فى كلامى بس كل المواقف دى انا مريت بيها وبزعل اوى على الناس وبحاول انى متغيرش عشان لو اتغيرت مش هعرف نفسى ومش هلاقيها.

يارب ماكنش طولت عليكم .